листај по издавач            листај по урнек


Согласно Глава 6 од Правилата за котација, известуваме за следната ценовно чувствителна информација:

Награди од Европската Банка за Обнова и Развој и Deutsche Bank AG:

 

 

  • Награда од Европската Банка за Обнова и Развој

Комерцијална банка АД Скопје повторно е прогласена за најактивен учесник во специјалната Програма за олеснување на надвoрешната трговија (TFP), која функционира во рамките на ЕБОР. По тој повод ЕБОР и ја додели наградата “Most active issuing bank in FYR Macedonia in 2009”. Комерцијална банка АД Скопје е повеќекратен добитник на оваа и други награди кои ги доделува ЕБОР. Во минатата година Комерцијална банка АД Скопје беше најактивна во Р. Македонија по бројот на издадени акредитиви и гаранции во рамки на TFP. Споредено со сите банки учесници од вкупно 29 земји во оваа програма, Комерцијална банка АД Скопје го зазема високото 5-то место (по најактивните банки од Русија, Грузија, Украина, Казакхстан). Оваа награда одново ја потврдува успешноста на банката во пружањето поддршка на своите клиенти во доменот на финансирањето на надоврешната трговија.

 

  • Награда од Deutsche Bank AG

Како признание за исклучителниот квалитет во работењето со меѓународни плаќања, Комерцијална банка АД Скопје е добитник на овогодишната награда: Deutsche Bank`s 2009 Straight – Through Processing (STP) Excellence Award. Оваа награда е особено значајна, бидејќи директната обработка на плаќањата (STP) има значајна улога во намалувањето на трошоците во глобалното трансакциско банкарство во денешно време. Во соопштението од Deutsche Bank AG, која е глобален лидер во оваа област, се истакнува успешноста на тимот од Комерцијална банка кој работи на оваа проблематика со постигнатата исклучително висока стапка на STP од 99,5%. Со оваа награда Комерцијална банка АД Скопје ја продолжува лидерската улога во следењето и примената на најновите банкарски трендови и технологии.

Објавено на: 27.05.2010 13:07:04
Документ БР.: DOC_10191-83/10
Урнек: Други ценовно чувствителни информации