Согласно Глава 6 од Правилата за котација, ги објавуваме следните Одлуки од собрание на акционери:

Известуваме дека седницата на презакажаното Годишното собранието на РЖ ИТШ АД Скопје (Понатака: Друштвото)  започната на ден 17.06.2024 година во 12:00 часот беше прекината и на истата се донесени следниве одлуки :

• Одлука за усвојување на записникот од Собранието на акционери на Друштвото одржано на ден 15.04.2024 година
• Одлука за усвојување на Годишната сметка и финансиските извештаи на Друштвото за деловната 2023 година;
• Одлука за покривање на загубата утврдена со годишната сметка и финансиските извештаи на Друштвото за деловната 2023 година;
• Одлука за усвојување на Годишниот извештај за работењето на Друштвото во периодот од 01.01.2023 година до 31.12.2023 година
• Одлука за одобрување на работата на членовите на Одборот на директори на Друштвото за 2023 година
• Одлука за констатирање на престанок на мандат на член на Одбор на директори поради оставка;
• Одлука за избор на 2 (два) членa на Oдбор на директори на Друштвото;

Истовремено , согласно член 396 од Законот за трговски друштва известуваме дека прекинатата седница на презакажаното Годишното собрание на акционери ќе продолжи со работа во Понеделник на ден 24.06.2024 година со почеток во 12.00 часот, во просториите на седиште на друштвото на ул. 16-та Македонска бригада Бр.18, Скопје, Гази Баба, на кое ќе се расправа и одлучува за преостанатите точки од утврдениот дневен ред  на прекинатата седница на Собранието на акционери и тоа:

• Разгледување и донесување на Одлука за усвојување на извештајот за ревизија на годишната сметка и финансиските извештаи на Друштвото за 2023 година; и
• Донесување на Одлука за назначување на ревизорско друштво за ревизија на работењето на Друштвото за 2024 година

Учество на продолжувањето на прекинатата седница на собранието повторно не се пријавува.

Сите информации во врска со точките на дневен ред акционерите можат да ја добијат на Официјалната електронска адреса на друштвото  info@intertranssped.com.mk .