листај по издавач            листај по урнек


Согласно Глава 6 од Правилата за котација, известуваме за следната ценовно чувствителна информација:

 

Признание од „Global Finance“ за Комерцијална банка за извонредно кризно лидерство

Комерцијална банка АД Скопје се стекна со признание за Distinguished Crisis Leadership in 2020 (Истакнато кризно лидерство во 2020 година) од страна на угледниот магазин „Global Finance“. Признанието е резултат на максималните напори што ги вложи Банката во услови на пандемија за да ги задоволи потребите и да им помогне на своите клиенти, да ги заштити своите вработени и да обезбеди поддршка на општеството.

Комерцијална се најде во друштво на повеќе банки од целиот свет кои влегоа во поширокиот избор на „Global Finance“ поради покажано извонредно кризно лидерство оваа година. Програмата Outstanding Crisis Leadership in 2020 на магазинот „Global Finance“ ги препознава банките и компаниите кои вложија најголеми напори во одговорот на кризата наметната од глобалната пандемија.

„Годинава светот се соочи со предизвик кој не се памети во поблиската историја, а кој ги загрози и животите и средствата за живот. Многу приватни субјекти се соочија со овој предизвик обезбедувајќи и дополнителна поддршка за владите, вработените, клиентите и општеството и тоа со импресивна креативност и извонредна брзина. Програмата Outstanding Crisis Leadership in 2020 е во чест на овие херои поради нивните исклучителни напори“, стои во изјавата на Џозеф Д. Џиарапуто, издавач и директор на уредништвото на „Global Finance“, објавена на веб-страната на магазинот.

 

Објавено на: 28.10.2020 15:29:37
Документ БР.: DOC_10191-630/2020
Урнек: Други ценовно чувствителни информации