Согласно Глава 6 од Правилата за котација, известуваме за следниве измени во органите на управување:
Надзорниот одбор на НЛБ Банка Скопје го именуваше Гоце Вангеловски за нов член на Управниот одбор на Банката
Надзорниот одбор на НЛБ Банка Скопје, со одлука донесена на 116-тата седница одржана денеска, 31 март 2023 година, го именуваше Гоце Вангеловски за нов Член на Управниот одбор на Банката.
Вангеловски во моментов ја извршува функцијата Помошник на Управниот одбор на НЛБ Банка Скопје, а функцијата Член на Управен одбор, официјално ќе ја преземе по добивање на лиценцата од Народната банка.
Со назначувањето на Вангеловски на новата функција, Управниот одбор на НЛБ Банка Скопје од сегашните три, ќе се зголеми на четири члена.