Согласно Глава 6 од Правилата за котација, известуваме за следната ценовно чувствителна информација:
НЛБ Банка АД Скопје заедно со НЛБ Леасе & Го, лизинг д.о.о. Љубљана изврши докапитализација на основната главнина на друштвото - „ НЛБ ЛЕАСЕ & ГО СКОПЈЕ“.
НЛБ Банка АД Скопје поседува 49% од вкупниот основачки капитал на друштвото.
Понудата на НЛБ Леасе&Го ДОО Скопје е наменета за физички и правни лица и опфаќа финансиски лизинг и закуп на нови и користени автомобили, товарни возила, автобуси, пловила, земјоделска и градежна механизација, како и друг вид опрема и машини.
Оперативниот модел на друштвото е фокусиран на креирање иновативни и едноставни решенија за врвно корисничко искуство и целосна дигитализација на процесите, со максимална заштита на клиентите, а деловната активност опфаќа широк спектар на решенија за лизинг, вклучувајќи и други придружни услуги за користење на возилата и опремата кои ќе бидат дадени на финансиски лизинг или под закуп.